Bizneset fasone, Sako: Gratë dhe vajzat kanë mbështetjen e Bashkisë së Durrësit

Kryetarja e Bashkisë së Durrësit, Emiriana Sako, njëherësh edhe kandidate për zgjedhjet e pjesshme lokale të 6 marsit, ka bërë me dije se së bashku me deputetin Alban Xhelili dhe drejtues e punonjës të bizneseve fasone kanë dëgjuar nga afër nevojat e adresuara nga ky sektor.

Sako thotë se i siguroi gratë dhe vajzat e punësuara në këtë sektor se do të kenë mbështetjen e vazhdueshme të Bashkisë.

“Sipërmarrja e lirë ka qenë dhe do të jetë në fokusin e punës tonë, pasi është ajo që i jep frymëmarrje ekonomisë së qytetit dhe mirëqenies së çdo familje”.