Blendi Fevziu: Jemi vrarë të gjithë nga pak

Gazetari i njohur ka reagur lidhur me vrasjen e turistëve çekë. Në profilin e tij në facebook ai shkruan: “Ky çift të rinjsh çekë erdhën të vizitojnë bukurinë e alpeve shqiptare dhe të provojnë mikëpritjen tonë. I vranë dhe i masakruan me gjasë për t’i grabitur. Dy jetë që besuan në turizmin shqiptar nuk janë më. Ndërsa vrasësi ose vrasësit ende lëvizin të lirë. U prehshin në paqe të rinjtë që e deshën Shqipërinë e mos gjetshin qetësine kriminelët. Shteti duhet të veprojë shpejt sepse sot jemi vrarë të gjithë nga pak. Dhe jemi turpëruar të gjithë shumë.”