Blinken shkon në Irak për të ardhmen e Sirisë, apelon për qeveri gjithëpërfshirëse

Sekretari Amerikan i Shtetit, Antony Blinken bëri një vizitë të paparalajmëruar sot në Irak për të takuar kryeministrin Mohammed Shia al Sudani për bisedime mbi të ardhmen e Sirisë fqinje.

Zhvillimi e befasoi Uashingtonin dhe administrata  Biden po u kërkon rebelëve fitimtarë, me të cilët po përpiqet të vendosë kontakte, të krijojë një qeveri që shmang fraksionet islamike dhe që përfshin pakicat e Sirisë.

Dyshja diskutuan “bindjen e kaq shumë vendeve në rajon dhe përtej kësaj, ndërsa Siria po kalon nga diktatura e Asadit në një demokraci me shpresë, ajo e bën këtë në një mënyrë që, natyrisht, mbron të gjitha pakicat në Siri që prodhojnë një qeveri gjithëpërfshirëse, jo sektare”, tha Blinken, duke shtuar se Siria nuk duhet të bëhet një “platformë për terrorizmin”.

“Askush nuk e di rëndësinë e kësaj më shumë se Iraku, për shkak të pranisë së vazhdueshme të ISIS-it apo Daesh-it në Siri dhe ne jemi të vendosur të sigurohemi që Daesh-i të mos mund të rishfaqet”, tha ai, duke iu referuar ISIS-it.