Bllokohet jahti me flamurin amerikan dhe 4 ukrainas në bord
Aktualitet E Enjte, 29 Tetor 2020 14:38
Bllokohet një jaht me flamurin amerikan me katër persona ukrainas në bord.
Jahti është bllokuar nga policia kufitare pasi nuk ka bërë njoftimet përkatëse kur ka hyrë në portin e Vlorës.
Personat të cilët qenë në bord të jahtit, kanë thënë se ju ka mbaruar karburanti prandaj janë ankoruar në portin më të afërt që kanë pasur.
Policia kufitare dhe kapiteneria e Vlorë nga ana e tyre, po vazhdojnë verifikimet për të vërtetuar deklaratat e personave në bord.
Derisa të kryen verifikimet përkatëse, jahti do të qëndroj i bllokuar në Vlorë.
Ata ishin nisur nga Turqia me destinacion Malin e Zi.
