Bllokohet Parlamenti, PD-ja e grupit Berisha-Bardhi nuk ndryshon qëndrim

Paçka thirrjeve nga ndërkombëtarët, as seanca e parë e muajit mars nuk mund të shpëtonte nga koasi. Grupi i Berishës dhe Bardhit, vijoi aksionin e mosbindjes brenda sallës së Kuvendit, pa toleruar asgjë nga kërkesat e saj.

Bllokimi i veprimtarisë parlamentare, për opozitën është përgjigja me të njëjtën monedhë i bllokimit që maxhoranca i ka bërë kërkesave të saj për komisione hetimore.

Socialistët nga ana e tyre duruan për disa çaste, por kupa u mbush kur Flamur Noka i ndezi zhurmuesin Vullnet Sinës, i cili po tentonte të mbante fjalën e tij.

Kjo javë do të ketë edhe një seancë të dytë parlamentare ku të enjten, do të shihet nëse palët do të ndryshojnë qëndrim apo do të vijojnë në llogoret e tyre politike.