Boçi për Taulant Ballën: Njerëzit problematik organizohen dhe frymëzohen nga ai

Luçiano Boçi, kandidati i PD-së i renditur në vendin e shtatë në listën në qarkun e Elbasanit, thotë se kemi në qeverisje një bande. Njerëzve problematikë, thotë ai, në këmbim të qetësisë, i kërkohet dhënie kontributi.

“Në qeverisje kemi një bande që drejton vendin, e cila kërkon të përsërish pushtetin nëpërmjet mjeteve dhe mekanizmave jo politikë dhe jo ligjorë, duke organizuar skalionet e saj dhe i ka hedhur në terren për të rrëmbyer votën, duke marrë peng fatet e njerëzve. Njerëzve problematikë, në këmbim të qetësisë, i kërkohet dhënie kontributi. Një situatë e tillë ka krijuar edhe tensione në situatën zgjedhore në Elbasan”, -tha në ”A2cnn”.

Po ashtu ai ngriti edhe akuza ndaj Taulant Ballës, duke thënë se njerëzit problematik organizohen dhe frymëzohen nga ai.

“Parimi i mazhorancës është ndërtimi i skalioneve të tilla në të gjithë Shqipërinë, por veçanërisht në Elbasan. Në këtë qytet, pjesa e këtyre organizimeve frymëzohet nga drejtues specifik politikë, të cilët janë edhe në vende të diskutueshme.

Në qoftë se unë jam i shtati në listën e PD dhe e konsideroj veten fitues, në listën e PS është numri 2 i Partisë Socialiste, Sekretari i Përgjithshëm i saj, i cili ndodhet në pozicionin e tetë, në pozicionin më humbës të mundshëm. Në këtë mënyrë organizon dhe frymëzon veprime të tilla me mbështetje të drejtpërdrejtë të kryeministrit”, tha Boçi.