Boiken Abazi kërkon rinumërim në qarkun e Tiranës

Kandidati për deputet i Lëvizjes Vetëvendosje për qarkun e Tiranës, Bojken Abazi ka kërkuar rivotim dhe shpallje të pavlefshme të votave në të gjithë Qarkun e Tiranës. Abazi thotë se ka grumbulluar fakte për shkelje në Qarkun e Tiranës, të cilat do ti ankimojë të Hënën pranë KQZ/KAS.

”Bazuar mbi faktet që po grumbullojmë mbi shkeljet në qarkun Tiranë në lidhje me ankesën që do të dorëzojmë në KQZ/KAS ditën e hënë, ne kërkojmë dhe presim shpalljen e pavlefshmërisë së zgjedhjeve dhe rivotimin në të gjithë Qarkun e Tiranës”,-shkruan Abazi.

Boiken Abazi ishte kandidat i qarkut të Tiranës për Lëvizjen Vetëvendosje në zgjedhjet e 25 prillit ku arriti të marrë 2993 vota, të cilat nuk i shin të mjaftueshme për ti siguruar një post në Kuvend.