Bojkotoi foton zyrtare, çfarë e “nervozoi” Daçiçin në Tiranë?

Në kuadër të Samitit të Procesit të Berlinit, i cili do mbahet në Shqipëri më 16 tetor, në Tiranë janë mbledhur sot 24 delegacione nga vendet e BE dhe të Ballkanit Perëndimor. Vendet pjesëmarrëse përfaqësohen në nivel të ministrave të Jashtëm.

Ministrja e Jashtme e Kosovës, Donika Gërvalla dhe ai i Serbisë, Ivica Daçiç kanë qëndruar larg njëri tjetrit, për të shmangur kështu ndonjë konflikt të mundshëm verbal, sidomos pas ngjarjeve të fundit në veri.

Një tjetër detaj ishte veprimi i ministrit të Jashtëm të Serbisë, i cili nuk mori pjesë në fotografinë zyrtare. Përfaqësuesit e 24 delegacioneve u rreshtuan të gjithë për t’i qëndruar strikt protokollit, por ministri i Jashtëm serb Daçiç nuk pranoi t’u bashkohej.

Sipas organizatorëve, Daçiç ka refuzuar foton familjare, sepse pas tyre ishin flamujt, ku përfshihej dhe ai i Kosovës. Ai ka pasur një takim veçmas me ministren gjermane, por nuk dihet ende se për çfarë kanë diskutuar konkretisht.