Bora sjell problemet e para, pezullohet mësimi në disa qytete

Dëbora e rënë mbrëmjen e kaluar në pjesën më të madhe të vendit, duke përfshirë edhe zonat e ulëta ka shkaktuar vështirësi në qarkullim.

Dëbora ka mbuluar Gjirokastrën, Korçën, Elbasanin, Dibren, Shkodren si dhe qytete të tjera të vendit. Në Gjirokastër, Pukë dhe Fushë Arrëz është pezulluar mësimi për ditën e sotme në të gjitha shkollat.

Në qytetin e Gjirokastrës trashësia e borës shkon në rreth 15 cm. Qarkullimi i automjeteve në qytet është pothuajse i bllokuar, ndërsa situata paraqitet e vështirë në të gjithë qarkun, sidomos në zonat malore ku gjendja paraqitej e vështirë edhe ditët e kaluara, shkruan BW. Rrugët nacionale janë të kalueshme vetëm me zinxhirë dhe goma dimërore.

Sakaq, e njëjta situatë paraqitet edhe në rrugët inerurbane të Korçës. Në aksin Korçë-Pogradec situata paraqitet më e vështirë dhe qytetarët ankohen se nuk ka ndërhyrje për pastrimin e rrugës dhe hedhjen e kripës.