Bora zbardh Llogaranë, hidhet kripë në rrugë për të shmangur ngricat (Video)

Vlora është ‘pushtuara’ nga moti i keq përgjatë dy ditëve të fundit. Ndërkohë në Llogara që nga dita e djeshme kanë vijuar reshjet e dëborës.

Siç shihet edhe në videon e mëposhtme, bora ka zbardhur të gjithë zonën, e cila frekuentohet edhe në dimër nga turistë të shumtë.

Edhe pse dëbora ka vijuar përgjatë natës, në këtë aks rrugor nuk janë krijuar probleme. Ndërkohë autoritet kanë hedhur kripë në rrugë për të parandaluar ngrirjen dhe krijimin e shtresave të akullit.

Në zonën e Llogarasë ka shkuar edhe një borëpastruese që po pastron rrugën.