Braçe-Bashës: Pse s’na i kurseve ”lylelleqet” ditën e parë të vitit?

1 janari nisi me ”sherr”, kjo pasi kryeministri Edi Rama tha se ka siguruar 500 mijë vaksina anti-covid dhe se 10 mijë dozat e para do të vijnë në Shqipëri në javët e para të këtij muaji, ku një pjesë do ti shkojnë Kosovës.

Zv/kryeministri Erion Braçe i është kundërpërgjigjur kreut të PD-së, pasi Basha tha se kryeministri Rama ka shkuar në SHBA për të blerë këpucë dhe jo vaksina. Braçe i kthehet Bashës në rrjetet sociale duke i shkruar që t’i kursejë ‘lylellëqet’ ditën e parë të vitit.

”Ora 14.10, u zgjua! Po pse nuk na i kursen LYLELLEQET qe diten e pare te vitit?! Deri dje thoshte: S’kanë leke për vaksinën, nuk u jep njeri vaksinë, dështuan, ju kërkova shoqeve të PD të na japin vaksinën! Tani thotë se vaksinë është ardhja e tij në pushtet! Ju shëron ky”, shkruan Braçe.