Braçe: Burgimi i Liridon Pulës, akti i fundit i serisë së shantazheve dhe kërcënimeve ndaj tij
Zv/ kryeministri Erjon Braçe vijon të zbulojë të vërtetën që fshihet pas arrestimit të Liridon Pulës me detyrë drejtor i Kadastrës në Durrës.
Në një dalje publike për median, paraditen e sotme Braçe publikoi dokumente, mes tyre dhe kallëzimi anonim me të cilin prokurori në Prokurorinë e Pergjithshme, Arjan Ndoi ka nisur procedimin penal si shantazh ndaj Liridon Pules.
Bëhet fjalë për kompleksin Lura 3
“Kompania Lura shpk ka ndërtuar me çdo leje të mundshme përfshi dhe atë të koaliudimit, në marrëveshje dhe kontrata legale me pronarët kompleksin “Lura 3”. Ka aplikuar për të regjistruar sipas ligjit çdo leje dhe për të çerfikuar çdo objekt me kufizime në çertifikatë për objektet që janë pjesë atakuese e pronarëve të truallit sipas marëveshjes respektive. Është shërbyer konform ligjit. Nuk ka lidhje as me grabitjes tokash në gjirin e Lalzit dhe as me legalizime objektesh që nuk janë ndërtuar ndonjëherë më parë.”
Braçe nënvizoi madje se prokurori ia ka fshehur gjykatës së Durrësit këtë kallzim.
Erjon Braçe: Të gjithë përfituesit nga lejet e ndërtimit apo marrëveshja mes tyre janë të padëmtuar. Ka kallëzuar një anonim që nuk ka lidhje me çështjen. Kallëzimi i është drejtuar prokurorit Arjan Ndoi dhe disa te tjereve qe nuk kanë lidhje me kallzime. Madje lëvdohet prokurori në këtë kallëzim. Ia kam dalë ta kem këtë kallëzim që prokurori ia fshehu dje gjykatës.”
Prokurori del zbuluar
Kallëzimi anonim përbëhet nga 5 faqe dhe data e kallzimit korrespondon me fillimin e procedimit penal. Me e paimagjinueshmja është se në atë kallëzim përmenden nëpunës e ish nëpunës por jo Liridon Pula
Erjon Braçe: “Në asnjë rresht të tij kallzuesi nuk përmend drejtorin e ASHK-se Durres, nuk e akuzon për paligjshmëri apo shkelje të detyrës. Prokurori mashtroi gjykatën kur tha se pikënisje për hetimin tregoi drejtorinë e policisë Durrës, seksionin e krimit ekonomik e cila nuk ka dijeni dhe nuk ka kryer asnjë veprim.
Prokurori mashtroi kur tha se kontratat e sipërmarrjes mes investitorit dhe pronarëve të truallit janë me % duke synuar të mbështesë akuzen per tjetersim te pasurise. Une kam kontratat dhe pjesa takuese është individualizuar me objekt për çdo pronar.
Prokurori mashtroi kur tha se për çertifikatat e lëshuara nga kompanitë Lura nuk janë vënë kufizime. Unë verifikova dhe rezultojnë kufizimet e vendosura.
Prokurori mashtroi kur tha se kanë ndodhur 30 transaksione mes 90 njesive te ndara. Verifikova dhe në asnjë nga 90 njësitë e pronarëve të truallit të jenë nënshtruar një transaksion tregtar që do të kishte tjetërsuar pronën. Prokurori mashtroi gjykatën dje me dëshminë e një pronari trualli në konflikt të njohur me kompanine Lura.
Nga verifikimet që i ka bërë hartave zv/kryeministri ka zbuluar se personi i sjellë si dëshmi në gjykatë zotëron një truall të pretenduar km larg kompleksit Lura 3, e zotëron në Kompleksin “Lura 1”.
Në foto: Braçe tregon hartën ku duket kompleksi “Lura 3” dhe kompleksi “Lura 1”
Shantazhi
Brace thotë se arrestimi i tij është akti final i një serie të gjatë kërcënimesh dhe shantazhi një mujor që kishte nisur ndaj drejtorit të ASHK-së, Liridon Pula
“Ky është një krim që i ka marrë lirinë një shtetasi perj 4 ditësh. Dështim më të madh të sistemit të drejtësisë nuk ka . Ky është akti final i një serie të gjatë kërcënimi e shantazhi një mujor ndaj drejtuesit ASHK. E shantazhuan herë me para.. sa të kushton vendi i punës ty. dhe herë tjetër brutalisht: Ik nga Durrësi dhe ik tani .. e arrestuan për ta mbajtur në burg; ik nga Durrësi
Ne deklaraten per median, qe zgjati gati 30 minuta, zv/kryeministri nënvizoi gjithashtu se nuk ka asnjë lidhje gjaku dhe asnjë lidhje tjetër me drejtorin e ASHK-së, por se eshte detyre e tij “ti dalë për zot një nëpunësi shteti të ndershëm”.
Kjo ishte përgjigje ndaj akuzave të deputetit të PD-se, Enkelejd Alibeaj për presion dhe ndërhyrje në sistemin e drejtësisë.
Gjithashtu nenvizoi se nuk ka njohur as prokurorin Arjan Ndoi dhe as gjyqtarët e këtij procesi deri ditën kur mësoi ngjarjen.
/Ora News
