Brataj jep alarmin për qytetet e vogla: Janë shtuar vizitat në banesa për Covid-19

Në mbledhjen e Komitetit Teknik të Ekspertëve këtë të hënë, shefi i Urgjencës Kombëtare, Skënder Brataj tha se mbetet problematike rritja e shifrave të të infektuarve dhe rritje të vizitave në banesa. Nga ana tjetër, Brataj tha se bashkitë e vogla po dalin me infektimeve të larta dhe kjo për shkak të lëvizjes së njerëzve.

”Në 3 ditët e fundit, nëse ishim 30-40 raste në ditë jemi 67-70 tani që dëshmon më së miri mos respektimin e masave. Një gjë e re që bashkitë e vogla po dalin me një incidencë më të madhe tregon që nëse kanë qenë të virgjëra tregon që sot me lëvizjen e njerëzve kemi shtimin e numrit. Nga e gjithë kjo situatë 50% e tyre janë në Tiranë”, deklaroi Brataj

Zv/ministrja e Shëndetësisë, Mira Rakacolli tha se policia ka gjobitur aktorin Ermal Mamaqin, i cili ka grumbulluar dhjetëra njerëz duke mos respektuar asnjë masë anti-covid. ”Në dijeninë time policia ka vendosur gjoba”, tha ajo.