Brataj: Vala e tretë nga Covid-19 pritet në fund të prillit

Për kreun e Urgjencës Kombëtare, Skënder Brataj, fundit i prillit pritet të shënojë valën e tretë të koronavirusit në vend, por jo më agresive se ajo që kaluam.

“Patjetër që do të ketë një rritje. Fundit i prillit, fillimi i majit do të na japë rezultatet e mosrespektimit të masave. Ndikojnë të gjitha sidomos grumbullimet, vaksina e ul riskun, por nuk e eliminon përhapjen. Personi që ka bërë vaksinën nuk sëmuret, por është transmetues i infeksionit”,-thotë ai.

Situata nga pandemia paraqitet e qëndrueshme dhe me një ulje të lehtë të infektimeve të reja. Këtë periudhë janë përgjysmuar shtrimet në spital, rastet e rënda dhe humbjet e jetës. Por me rritjen e të vaksinurave, Brataj parashikon një verë dhe sezon turistik më të qetë.