“Bregdeti ynë”/ Shembja e ndërtimeve pa leje vijon në Lukovë të Sarandës

Aksioni kundër ndërtimeve pa leje në zonat bregdetare po vijon tashmë edhe në Sarandë. Inspektorati Kombëtar i Mbrojtjes së Territorit prej 7 qershorit ka nisur operacionin për pastrimin e bregdetit nga objektet e paligjshme. Këtë të enjte punonjësit e IKMT-së po punojnë për prishjen e objekteve pa leje në bregdetin e Lukovës në Sarandë.

Krahas shembjes së ndërtimeve pa leje, IKMT po bën edhe pastrimin nga inertet që mbeten pas, për të mos krijuar asnjë pengesë për pushuesit apo bizneset e tjera të ligjshme në zonat bregdetare.

Gjatë aksioneve të IKMT-së u shembën ndërtesa pa leje në Shëngjin, Velipojë e Ksamil. Pas përfundimit të shembjeve në bregdet IKMT do të nisë punën për shembjen e ndërtimeve pa leje në Zonat e Mbrojtura dhe përgjatë akseve rrugore në mbarë vendin.