Brenda 30 ditëve, Gjykata Kushtetuese do të japë vendimin në lidhje me mandatin e Xhaçkës

Këtë të mërkurë në Gjykatën Kushtetuese u shqyrtua padia e PD-së lidhur me mandatin e ministres së Europës dhe Punëve të Jashtme, Olta Xhaçkës.

Në fund të diskutimeve, trupi gjykues është tërhequr dhe ka dalë me vendimin se i duhen 30 ditë kohë për të vendosur.

Përfaqësuesi i PD-së, Marsh Logu ka kërkuar që GJK të detyrojë Kuvendin që ta çojë në gjyq mandatin e Xhaçkës, ndërsa pala tjetër kundërshton. Përfaqësuesja e Kuvendit pretendon se kërkesa e PD-së nuk ka përmbushur as kriteret formale që duhen.