Brigada e Asistencës së Forcave të Sigurisë së SHBA, Peleshi: Forcojmë praninë në misionet e NATO-s

Aktivizohet në Shqipëri, Brigada e Asistencës së Forcave të Sigurisë së SHBA një ekip të cilës do të mbështesë dhe këshillojë Batalionin e Dytë të Këmbësorisë së Forcës Tokësore.

Në prani të ministrit të Mbrojtjes, Niko Peleshi dhe ambasadores së SHBA-së, në Shqipëri Yuri Kim u nënvizua rëndësia e ndërveprueshmërisë mes aleatëve të NATO-s në një terren të ri për sigurinë botërore. Kurse ministri Peleshi vlerësoi ndihmën e vijueshme që SHBA-ja ka dhënë për Forcat e Armatosura.

“Ky grup-batalion është objektivi ynë kryesor në NATO dhe jemi duke punuar intensivisht për të bërë të mundur realizimin e të gjitha detyrimeve në këtë kuadër dhe padyshim asistenca e ekipit amerikan është e një rëndësie të veçantë. Jam i bindur që puna juaj do të japë frytet e saj dhe do të kurorëzohet me certifikimin e suksesshëm që kjo strukturë do t’i nënshtrohet gjatë muajit shtator të këtij viti”.