Britania e Madhe kthen 26 shqiptarë pa të drejtë qëndrimi në vend, mes tyre të dënuar për krime

Britania e Madhe ka kthyer në vendin tonë 26 shqiptarë, ku mes tyre ka edhe persona të përfshirë në aktivitete kriminale.

Lajmin e ka bërë të ditur, zyra e Home Office në Londër, e cila thotë se një pjesë e shqiptarëve kishin mbërritur në Mbretërinë e Bashkuar me varka. Ndërsa një pjesë tjetër ishin të dënuar për krime, duke përfshirë posedimin e armëve dhe furnizimin me drogë së klasit A.