Budina: Koronavirusi nuk merret nëpër protesta, e drejta na bën imunë!

Pasi u deklarua i infektuar me koronavirus nga Instituti i Shëndetit Publik, regjisori Robert Budina është shfaqur për herë të parë në publik. Përmes një postimi në grupin e Aleancës për Mbrojtjen e Teatrit, Budina shfaqet pranë zonës së Teatrit duke kritikuar kryeministrin Edi Rama.

Ai madje edhe në këtë video shfaqet skeptik nëse bashkë me vëllain e tij Edomnd Budinën janë infektuar ndonjëherë.

“Koronavirusin nuk e merr nëpër protesta. Sepse dhe unë me demek më nxorën me koronavirus se nuk dimë si është e vërteta. Kur erdhi fundi, rashë në kontakt me njerëz në spitalin infektiv.

Kurse në protesta kur takova me dhjetëra mijëra njerëz nuk e mora. Mbase dëshira jonë për të luftuar për të drejtën na bën edhe më imunë,” tha Budina.