Bularat, Prokuroria kërkon ekspertizën sa më parë

Prokuroria e Krimeve të Rënda ka zhvilluar një mbledhje për ngjarjen e Bularatit, ku mbeti i i vrarë nga forcat e RENEA 35-vjeçari Kostandino Kacifa. Në përfundim të mbledhjes, Prokuroria e Krimeve të Rënda ka kërkuar përfundimin sa më parë të ekspertizës mjeko-ligjore për Konstandino Kacifën.

Është qëlluar apo jo nga afër nga forcat RENEA, Konstandinos Kacifa? Kjo është pyetja e të cilës ekspertët e mjekësisë qendrore do t’i japin përgjigje përfundimtare, një konkluzion që do t’i bashkangjitet kartelës së vdekjes së 35-vjeçarit grek por edhe fashikullit hetimor të Krimeve të Rënda.

Policia zbatoi të gjitha procedurat standarte ndaj shtetasit grek Konstandinos Kacifan, në ngjarjen e së dielës në Bularat të Gjirokastrës. 35-vjeçari përveç Policisë Rrugore, hapi zjarr me breshëri automatiku edhe ndaj forcave “Shqiponja” të Policisë së Gjirokastrës, të cilat erdhën në ndihmë përpara se të mbërrinte RENEA