Bumçi: Basha dhe deputetët dolën menjëherë në mbështetje të Berishës, qëndrimi i qartë

I ftuar në PolitikOn nga Alfred Lela në RTV Ora ish-deputeti demokrat Aldo Bumçi u shpreh se Berisha do të bëjë betejën për të mbrojtur dinjitetin e tij.

Ai shtoi se pas daljes së Berishës menjëherë doli edhe Basha në deklaratë, po ashtu edhe shumë deputetë të tjerë të PD-së në mbështetje.

“Z. Berisha do të bëjë betejën për të mbrojtur dinjitetin e tij. Ai nuk është vetëm. Pas deklaratës së Berishës erdhi deklarata e Bashës. Pra kishte një mbështetje. Qëndrimi ishte i qartë dhe më pas kanë dalë, një numër i madh deputetësh në mbështetje.

Deklarimet janë bërë. Ne kishim në dorë çështjen e zgjedhjeve. Kemi edhe garën brenda partisë përpos zgjedhjeve. Pra deklarata e Bashës ishte e menjëhershme. Kjo nuk është një çështje vetëm e Berishës, sepse ai është shpallur non grata për çështjet kur ka qenë kryeministër”, theksoi Aldo Bumçi.