Bumçi: Rasti i gazetares britanike, i paprecedentë

Ish-deputeti demokrat, Aldo Bumçi i ftuar në “360 Gradë” në Ora News, tha se ma rastin e gazetares britanike, Alice Elizabeth Taylor ku i refuzohet leja e qëndrimit është i paprecedentë.

Pjesë nga biseda:

Bumçi: Fakti që Zëri i Amerikës i dha hapësirë sot është shumë e rëndësishme. Është një rast i paprecedentë. Është e pa dëgjuar që miq që vijnë në Shqipëri, janë miq. Fakti që punon si gazetare dhe nuk i zgjatet leja e qëndrimit dhe aq më tepër kur ka krijuar familje në Shqipëri, tregon se sa e rëndë është situata. Edi Rama ka hyrë tani në një fazë paranoje. Nëse zonja do bënte artikuj sa bukur është Tirana, është e sigurt që do merrte projekte dhe mbështetje.