Burgu i minorenëve në Kavajë/ Djemtë sistemojnë librat, nisin procesin e rehabilitimit (FOTO)

Të miturit e dënuar në Institutin e të Miturve në Kavajë kanë nisur aktivitete të ndryshme për riintegrimin e tyre në shoqëri. Të miturit rregullojnë librat në bibliotekën e tyre. Të ndihmuar edhe nga stafi, djemtë duket se po rehabilitohen pas dënimit që kanë marrë.

“Aktivitetet edukuese janë pjesë e pandalshme në Institutin e të Miturve Kavajë. Inventarizimi dhe sistemimi i librave në bibliotekën tonë jo vetëm rrit dhe ndërgjegjëson ndjenjën e punës por mbi të gjitha ndikon në edukimin nëpërmjet librit. Ky proces u realizua nga djem në bashkëpunim dhe me stafe të institucionit tonë”,-thuhet në postimin e Institutit që publikon edhe pamjet.

Instituti i të Miturve Kavajë është ndërtuar nga fondet e Bashkimit Evropia dhe hapi dyert në tetor të vitit 2009.