Bursa të pjesshme për studentët shqiptarë në Mbretërinë e Bashkuar

Intervistë me Gregory Horobin, drejtor i pranimeve pranë Cambridge Centre for Sixth-form Studies, një nga shkollat më prestigjioze, i cili do të jetë prezent në Tiranë në datën 25 dhe 26 Maj

Pse është Britania një destinacion popullor për studentët ndërkombëtarë?

Nuk ka dyshim se Britania e Madhe është shumë e njohur për sistemin e saj arsimor, të shkollës së mesme dhe të universitetit. Studentë nga e gjithë bota synojnë të studiojnë në Mbretërinë e Bashkuar për shumë arsye: ka një traditë shumë të gjatë të universiteteve të saj të hershme si dhe një reputacion për mendimin inovativ në shkollat e saj. Universitetet tona të famshme në të gjithë botë, qasja meritokratike në arsim, historia e lidhur me vende të tilla si Oxford dhe Cambridge, duke ndjekur gjurmët e Stephen Hawking dhe Isaac Newton, të gjitha këto janë faktorët që i bëjnë studentët ambiciozë për të studiuar në Mbretërinë e Bashkuar.

Sa e rëndësishme është për studentët e huaj të studiojnë së bashku me studentët britanikë?

Në universitetet në Mbretërinë e Bashkuar, studentët ndërkombëtarë përbëjnë rreth 20% të popullatës së përgjithshme të studentëve (në Londër, më shumë se një e katërta e studentëve të ardhur nga jashtë Britanisë së Madhe). Të gjithë studentët në universitete studiojnë së bashku, pavarësisht nga gjuha e tyre amëtare dhe vendi i origjinës. Vendi më i mirë për ta nisur është përfundimi i shkollës së mesme në Mbretërinë e Bashkuar!

Pra, si mund të studiosh në universitet? Cilat janë shanset për të hyrë në Oxford apo Cambridge?

Përgatitje, përgatitje, përgatitje! Avantazhi i shkollës së mesme në Mbretërinë e Bashkuar është se për dy vitet e fundit në shkollë, ju vetëm përqëndroheni në 3 ose 4 lëndë të cilat i studioni me dëshirë. Ky intensitet siguron që nxënësit të përparojnë në universitete me një pasion të thellë në lidhje me degën e tyre të zgjedhur- në qoftë se ju nuk preferoni një lëndë të veçantë, mos e zgjidhni në A-Level.

Të gjithë aplikantët  duhet të kalojnë nëpër UCAS, organizata online që menaxhon hyrjen në arsimin e lartë në Mbretërinë e Bashkuar. Afati normal për pjesën më të madhe të lëndëve është Janari i vitit që ju dëshironi për të nisur universitetin dhe ju mund të aplikoni për deri në 5 universitete fillimisht. Por për Oxford, Cambridge dhe degët e mjeksisë, ju duhet të aplikoni tre muaj më parë, në tetor.

Hyrja në Oxford apo Cambridge normalisht kërkon të paktën dy vjet fokus të qartë dhe përgatitje që përfshin studim serioz akademik, një sërë aktivitetesh të rëndësishme jashtëshkollore, përgatitje të kujdesshme për intervistë . Dhe, në fund, natyrisht provimet. Në vitin 2013, Cambridge ka marrë 16.185 aplikime dhe janë pranuar 3371 (20%). Nga ata që janë pranuar, 97% ka arritur ekuivalencën e një AA * në programet e tyre A-Level . Edhe pse kjo tingëllon e frikshme, në të gjithë Mbretërinë e Bashkuar, si tërësi, 74% e studentëve fituan në zgjedhjen e tyre të universitetit në vitin 2014, kështu që nëse ju keni një ofertë nga ku ju doni të studioni ekziston çdo mundësi që ju do t’ia dilni mbanë!

Sa studentë dërgon CCSS në Oxford apo Cambridge?

Në 3- 4 vitet e fundit, Universiteti Cambridge ka qenë destinacioni numër një për studentët e CCSS, e ndjekur nga Universiteti Queen Mary dhe Manchester. Viti 2015 nuk bën përjashtim, me 5 studentë të këtij viti që kanë marrë oferta nga Oxford dhe Cambridge. Nga totali prej 10 studentë që kanë aplikuar Oxbridge, kjo paraqet një normë suksesi prej 50% në krahasim me mesataren prej 20%.

Si funksionon CCSS në përgatitjen e vazhdueshme të këtyre studentëve për sukses?

Nuk ka formulë magjike, për fat të keq! Në CCSS, ne kombinojmë klasat e vogla (mesatarisht 6 studentë për klasë), mësuesit me përvojë dhe njohuri , si dhe një orar intensiv. Megjithatë, ne dimë edhe si të ç’lodhemi dhe të argëtohemi! Studentët tanë shijojnë një gamë të gjerë të aktiviteteve sportive dhe klubeve të shkollës dhe, mos harroni, Cambridge është kampusi ynë!

Çfarë është dallimi në mes një shkollë tradicionale konvikt dhe një six form kolegj?

Një kolegj 6-vjecar fokusohet në 2 ose 3 vitet e fundit të shkollimit (saktësisht klasa e 12-të dhe 13-të), duke përgatitur studentët për universitete në një atmosferë më kolegjiale dhe informale. Studentët në kolegjet 6-vjecare janë zakonisht të moshës 15+ dhe janë ndoshta në kërkim për më shumë pavarësi në përgatitjen për jetën në universitet. Nxënësit jetojnë larg kolegjit në dhoma teke – ndryshe nga shkollat me konvikte, ku studentët qëndrojnë në territorin e shkollës gjatë gjithë javës. Në CCSS, këto dhoma menaxhohen nga ne, që do të thotë se pavarësia që studentët gëzojnë është e mbështetur nga ne, duke siguruar që kujdesen ndaj tyre dhe ndihmesën për të arritur më të mirën.

Na tregoni më shumë rreth CCSS…

Në një farë mënyrë, struktura jonë studentore është po aq e ndryshme sa London School of Economics. Ne kemi rreth 40% studentë britanikë dhe 60% studentë ndërkombëtarë, të ardhur nga mbi 25 vende të ndryshme. Studentët tanë studiojnë së bashku, duke krijuar miqësi të forta gjatë studimeve të tyre. CCSS ka mirëpritur studentë gjatë 35 viteve dhe studentët tanë kanë pasur karriera të suksesshme që nga biznesi e deri në artet kreative e politikë.

A keni pasur shumë studentë shqiptarë në CCSS?

Po. Ne kemi mirëpritur studentëve shqiptarë në të kaluarën. Një nga studentet më të shkëlqyera është Era Rakipi, e cila arriti rezultate te shkelqyera A* tek kolegji ynë dhe pastaj vazhdoi studimet për drejtësi në Universitetin Queen Mary në Londër.

Si mund t’ju kontaktojmë gjatë qëndrimit tuaj në Shqiperi?

Për rezervimin e takimeve kontaktoni: gregoryh@ccss.co.uk ose 0682000161.