Bushati: Basha të pozicionohet ndaj njeriut që ka dhe gurin dhe arrën në politikë

Kreu i PD-së Lulzim Basha ka propozuar tre ndryshime të forta kushtetuese si Reforma Territoriale, Vetting-u i politikanëve dhe Reforma Zgjedhore, por duhet mbështetja e PS.

Kryeministri Edi Rama pranon se është i gatshëm për dialog nëse opozita e bind për këto ndryshime, mirëpo për analistin Andi Bushati ajo çfarë Rama tregon nuk është tolerancë por arrogancë e pushtetit.

Analisti Andi Bushati thotë se Lulzim Basha i propozoi këto ndryshime menjëherë pasi Edi Rama propozoi zgjatjen e afatit të Vetting-ut, duke mos i lënë hapësirë opozitës për të diskutuar nëse afati duhet zgjatur apo jo.

”Përgjigja që dha Rama dje që edhe mund të dialogojë për tre propozimet e Bashës, është përgjigja e një politikani që thotë: Unë mund të bëj çfarë të dua, për ndonjë nga kërkesat edhe mund të diskutojmë”.