Bushati: Tre personazhe të rëndësishëm të jetës politike kundër Berishës
Ora 18:00 kishte breshëri lajmesh. Intervista e Yuri Kim, mbledhja e Sali Berishës me demokratët dhe që Edi Rama u rikthye në Kuvend në orën 18:00.
Analisti Andi Bushati, thotë se për të sfumuar takimin e paralajmëruar nga ish-kryeministri Sali Berisha, Rama, Kim dhe Basha bënë lëvizje të minutës së fundit.
”Yuri Kim la intervistë në orën 18:00 kur Berisha e kishte shpallur takimin në orën 18:00. Edi Rama nuk vinte që nga ora 16:00 deri në 18:00 në Parlament vetëm që t’i bënte replikat me Lulzim Bashën në orën 18:00 pikërisht për të marrë vëmendjen nga fjala e Berishës”,-tha në ”Euronews Albania”.
Ai shtoi se fakti që këta tre personazhe të rëndësishëm të jetës politike thurin plane meskine kundër Berishës, që sipas Bushatit është politikan i anatemuar, tregon se Shqipëria drejtohet nga një kastë e delegjitimuar.
