Buxheti 2020 mbështetje kategorive në nevojë, përfitojnë 166 mijë persona
Aktualitet E Enjte, 19 Dhjetor 2019 11:23
Buxheti i vitit 2020 për shëndetësinë dhe mbrojtjen sociale zgjeron mbështetjen ndaj kategorive në nevojë. Ministrja e Shëndetësisë dhe Mbrojtjes Sociale, Ogerta Manastirliu thotë se buxheti i vitit të ardhshëm për shëndetësinë dhe mbrojtjen sociale është buxheti i qytetarëve. Sipas shifrave të bëra publike prej ministres, buxheti 2020 mbështet skemën e pagesave të personave me aftësi të kufizuar. Për këtë janë parashikuar 16.6 miliard lekë ku përfitues janë 166 mijë persona. Ndërsa për skemën e pagesave të ndihmës ekonomike janë parashikuar 4.5 miliardë, 66 mijë familje përfituese.
