Buxheti 2025, Bardhi: Paratë për kontrata korruptive, qytetarët në harresë

Kreu i grupit parlamentar të PD-së, Gazment Bardhi e ka cilësuar buxhetin për vitin 2025 që shkon për projekte korrupsioni. Për të qeveria ”Rama 3” vazhdon dhe paguan inceneratorë që nuk egzistojnë apo për kontrata korruptive në shëndetësi, ndonëse qytetarët përballen me mungesën e ilaçeve. ”Korrupsioni në qeverisjen qëndrore dhe vendore është arsyeja e vetme pse qytetarët nuk marrin shërbime, pse nuk ka rritje të pensioneve apo fonde për të mbështetur familjet në nevojë, pse nuk ka mbështetje reale për fermerët dhe bujqësinë. 12 vjet të humbura me premtime boshe janë shumë kohë e humbur për Shqipërinë dhe shqiptarët”,-shkruan Bardhi.

Reagimi i plotë

Shqiptarët vijojnë të:

– Paguajnë para nga Buxheti për inceneratorët, por ato kanë “ikur në drejtim të paditur”, incenerator që ose nuk punojnë ose nuk ekzistojnë.

– Paguajnë para nga Buxheti për kontratat korruptive të shëndetësisë, por qytetarët nuk kanë ilaçe e shërbim në spitale.

– Paguajnë para nga Buxheti për dyfishin e kostos për investime në rrugë që nuk përfundojnë kurrë, ndërkohë nuk kemi fonde për të mbështetur sektorin e bujqësisë apo për të kryer investime që ndihmojnë bujqësinë.

Korrupsioni në qeverisjen qëndrore dhe vendore është arsyeja e vetme pse qytetarët nuk marrin shërbime, pse nuk ka rritje të pensioneve apo fonde për të mbështetur familjet në nevojë, pse nuk ka mbështetje reale për fermerët dhe bujqësinë. 12 vjet të humbura me premtime boshe janë shumë kohë e humbur për Shqipërinë dhe shqiptarët.