Bylykbashi: Bashës i duhej një parti sa një dyqan 2 me 2, kjo për pazarin e radhës

Deputeti demokrat dhe anëtar i Komisionit të Rithemelimit, Oerd Bylykbashi thotë se Lulzim Bashës i duhet një parti sa një dyqan 2 me 2, dhe një logo te qepeni. Kjo pasi sipas tij i nevojitej vetëm për pazarin e radhës.

“Një grup i vogël ka ende këtë plan përçarës. Plani i Bashës për të përçarë PD-në ishte i vjetër. Më 9 shtator, unë këtë i kam thënë, ti përçave PD-në.

Në këtë formë, ai e reduktoi PD-në vazhdimisht, po e mbyste në gjumë. Ai mori dhe një vendim të fundit fare që ta mbyste përfundimisht atë parti dhe të kishte partinë e tij.

Lulzim Bashës i duhej një partie e vogël sa një dyqan i vogël 2 me 2, me një logo te qepeni dhe kaq. Nuk i duhej më shumë sesa për të bërë një pazar të radhës politik”.