Bylykbashi: Nuk ka kryesi të Partisë Demokratike për shkak të Lulzim Bashës

Deputeti i PD-së Oerd Bylykbashi, tha se me Kuvendin e 11 dhjetori, është rikthyer fuqia tek organet e Partisë Demokratike. I ftuar në emisionin “Të Paekspozuarit” në MCNTV, për të sot në PD nuk ka kryesi për shkak të shkeljes së statutit nga kryetari.

”PD e kanë demokratët, anëtarët janë ata që na japin çdo mandat për t’i përfaqësuar. Janë delegatët që punojnë me ne që të fitojë PD. Duke u nisur nga kjo, janë anëtarët ata që qartazi thanë “kupa u mbush” dhe thirrën kuvendin e 11 dhjetorit.

Nuk ka kryesi të PD për shkak të shkeljes së statutit nga kryetari. Basha është shkarkuar, pritet ratifikimi nga kryesia. Kryetari nuk ka asnjë fuqi, këshilli është më epror.

Ne i kemi rikthyer fuqitë këtyre organeve dhe kryetari nëse do kërkojë të marrë funksione do ti ndërpritet mandati. Statuti ka hyrë në fuqi menjëherë. Praktika e PD e vendosur nga Basha është që miraton statute, futen në fuqi menjëherë”.