Bypass-i i Fierit, ARRSH: Nesër bllokohet për 4 orë, trafiku devijohet në rrugën e vjetër Fier-Vlorë
Aktualitet E Martë, 25 Prill 2023 15:35
Të mërkurën do të bllokohet Bypass-i i Fierit, për shkak të punimeve që po kryhen për rehabilitimin e mbikalimit në kilometrin 18.
Bllokimi do të nisë në orën 09:00 të mëngjesit dhe do të zgjasë për rreth 4 orë. Autoriteti Rrugor Shqiptar njofton se devijimi i trafikut do të bëhet nga rruga e vjetër Fier-Vlorë.
ARRSH thotë se në bashkëpunim me Policinë e Qarkullimit Rrugor janë marrë të gjitha masat për devijimin e trafikut sipas Planit të Menaxhimit të Trafikut, si dhe vendosjen e sinjalistikës provizore për të orientuar përdoruesit e rrugës.
