Caka: Marrëveshja me Maqedoninë siguron sakrificat e punës

Deputetja e LSI-së, Silva Caka në fjalën e saj në seancën plenare ka folur për projektligjin për ratifikim e marrëveshjes midis vendit tonë dhe Maqedonisë. Caka është shprehur se në emër të grupit parlamentar të LSI-së, kjo marrëveshje shkon paralel eksperiencës ndërkombëtare në fushën e mbrojtjes shoqërore, ku mbrojtja e emigrantëve rregullohet nëpërmjet aderimit në instrumentet ligjore ndërkombëtare në fushën e mbrojtjes shoqërore, nënshkrimit të marrëveshjeve dypalëshe ndërmjet vendeve respektove si dhe nga legjislacioni kombëtar, duke përmbushur kësisoj detyrimin e përcaktuar më herët nga marrëveshja e Asocim Stabilizmit, me urimin për t’u shoqëruar sa më shpejt me marrëveshje të tillë, ftoj të gjithë kolegët deputetë për ta votuar e mbështetur.

Sipas Cakës kjo marrëveshje do ti ndihmojë ata, në njohjen e punës së tyre, por do t'u njihen vitet e punës në shtetin e Maqedonisë. I riu i Skraparit, i Ersekës, i Korçës, i Pogradecit, apo i  Dibrës, jo vetëm që po vuajnë duke punuar në Maqedoni i pasiguruar por ata duhet që të jetë të siguruar dhe ne të gjithë nën përgjegjësinë tonë duhet ta miratojnë këtë marrëveshje.

"Nëse vendos të kthehet në Shqipëri, nuk i humb vitet e punës. Kjo marrëveshje, me rëndësi sa praktike aq edhe simbolike, përveçse të përshëndetet njëzëri nga të gjithë ne të zgjedhurit e këtij Parlamenti, duhet mbështetur për t’u bashkëshoqëruar me sa më shumë të tilla në vendet ku shqiptarët prej kohësh punojnë e sakrifikojnë"- përfundon fjalimin e saj deputetja Silva Caka dhe njëherësh apelin e saj nga poltrona e parlamentit.

R.Shtylla