Celibashi mesazh komisionerëve: Nëse cënoni votën e rezultatin përgjegjësi penale, 1-7 vite burg

Komisioneri shtetëror i Zgjedhjeve Ilirjan Celibashi i çon mesazh komisionerëve të bëjnë kujdes në zbatimin e ligjit. Nuk do të tolerohet asnjë vonesë apo cënim i votes, madje i kujton dhe sanksionet penale 1 – 7 vite burg.

“Procesi i nxjerrjes së rezultatit do të jetë një proces që nuk do të ketë probleme. Komisionerët janë të ndërgjegjësuar për penalitetet nëse sjellja e tyre do të jetë në kundërshtim me detyrën që ata kanë.

Nuk do të tolerojë komisionerët që duan të vënë në provë forcën e ligjit për asnjë lloj arsye. Ka sanksione të ashpra që përpiqen të cënojnë integritetin votës së qytetarve. Jua garantoj që do të evidentojmë të gjitha rastet dhe do të ketë përgjigje në përputhje me ligjin.

Celibashi tha se po punojnë që rezultati të dalë brenda 48 orësh.

Sot mbërrijnë fletet e votimit për qarkun Shkodër e Berat.