Çfarë po ndodh me testimet?! Polici në Tiranë del pozitiv me Covid, kolegëve nuk u merret tamponi

Një efektiv i policisë së Tiranës rezulton i prekur me Covid 19, ndërkohë që kolegët e tij kanë kërkuar kryerjen e tamponeve.

Burime bëjnë me dije për Faxweb.al se ISHP ende nuk u ka marrë tamponet kontakteve të ngushta të tij, dhe efektivët e tjerë kërkojnë që t’iu bëhet menjëhere testimi, pasi kanë frikë edhe për familjarët e tyre.

E njëjta situatë paraqitet dhe në spitalin e Traumës në Tiranë, ku ka rezultuar infektiv një infermier, ndërkohë që stafit ende nuk u janë bërë testimet. Në 24 orët e fundit në vendin tonë janë kryer vetëm 264 testime, nga të cilët vetëm 45 kanë rezultuar pozitivë.