Çifti i bashkëshortëve punonjës të spitalit të Rrëshenit me Koronavirus, testohet stafi i mjekëve

Ditën e djeshme ministria e Shëndetësisë ka njoftuar rastet e reja të personave të infektuar me Koronavirus në Shqipëri.

Gjithashtu u njoftua një shtim i rasteve të reja në qytete të ndryshme të vendit vecanërisht në Durrës ku u pa një rritje prej 12 rastesh të reja në 24 orë.

Po ashtu edhe në Mirditë që është vendi i fundit që i shtohet hartës me persona të infektuar në vendin tonë ka shkuar në dy numri i të prekurve.

Bëhet fjalë për dy punonjës të spitalit të Rrëshenit.

Sipas burimeve të Abcnews bëhet me dije se një ditë më parë është konfirmuar me COVID-19 bashkëshorja e 55-vjeçarit, e cila punon infermiere në spitalin e Rreshenit.

Çifti i bashkëshortëve punonin të dy në spitalin e Rrëshenit ku fatmirësisht anëtarët e tjerë të stafit kanë rezultuar të painfektuar.