Civici: Paratë e drogës, mallkim për ekonominë

Ekonomisti Adrian Civici i ftuar në “360 Gradë” në Ora News, thotë se paratë e ardhura nga trafiku i drogës janë mallkim për ekonominë e vendit.

Civici: Jo 2 miliard por edhe 12 miliard të jenë prapë zgjidhje e përkohshme është. Marrim rastin e të ardhurave nga droga. Shqipëria ka pafund euro nga droga. Është e keqja më e madhe që mund të ketë ekonomia. 

Me qindra milion euro në vit janë. Fakti që përditë ke tre-katër lajme për arrestime. Në ka ndonjë mallkim të madh janë paratë e ardhura nga droga, sepse deformon të gjithë ekonominë dhe prodhimin në vend. Shqipëria është një vend që nuk prodhon. 

Themi se jemi një vend bujqësor dhe importojmë mbi 1 miliard produkte bujqësore. Mbi 50% të buxhetin familjar shkon për ushqim. Në ka një gjë urgjente që ne duhet të bëjmë, duhet të financojmë prodhimin vendas që shqiptarët të punojnë. Nëse një vend e ka ekonominë e vet tek konsumi, tek remitancat dhe importi, është shumë e rrezikuar.