“Çmenden” socialistët e KQZ-së: Nuk lejojmë që Idajet Beqiri të dalë nga zgjedhjet

Komisioni Qendror i Zgjedhjeve ka vendosur të mos çregjistrojë Partinë e Unitetit Kombëtar nga zgjedhjet e 30 qershorit.

KQZ-ja përveç se ka marrë rolin e Gjykatës Kushtetuese tani i mban me forcë partitë në zgjedhjet farsë të Edi Ramës.

Ushtarët e Edi Ramës në KQZ, Denar Biba, Bledar Skënderi, Edlira Jorgaqi dhe Rezarta Bitri, kanë vendosur të hedhin poshtë kërkesën e partisë të drejtuar nga Idajet Beqiri.

Ky i fundit ishte i pranishëm në sallën e KQZ-së duke argumentuar edhe faktet se pse kërkonte çregjistrimin e PUK-së.

Por votat e ushtarëve të Edi Ramës, vendosën që PUK të qëndrojë në zgjedhje e të bëjë fasëdën e Edi Ramës.

Ja vendimi i KQZ-së:

Tiranë më 13.06.2019

Komisioni Qendror i Zgjedhjeve në mbledhjen e ditës së sotme shqyrtoi:

‘Për shqyrtimin e kërkesës, depozituar në KQZ nga Partia Uniteti Kombëtar me objekt ‘Çregjistrim nga procesi zgjedhor, për zgjedhjet për organet e qeverisjes vendore të datës 30 qershor 2019’. 

KQZ me 4 vota pro vendosi rrëzimin e kërkesës.