Çmimi i energjisë shkon në stratosferë, çfarë do të ndodhë me Shqipërinë?

Europa po përballet me një krizë të thellë të energjisë elektrike. Çmimi i energjisë elektrike në bursë ka kapur majat, duke u shitur për herë të parë mbi 500 euro për megawat.

Shteti i parë Europian dhe Ballkanik që lajmëroi kufizimet e energjisë elektrike gjatë ditës së sotme ishte Kosova, por falë ndihmës së Shqipërisë nuk do të ketë ndërprerje të energjisë për vëllezërit tanë në Kosovë.

Po me Shqipërinë çfarë do të ndodhi? Kryeministri Edi Rama ka thënë se e ka gati planin për shkurtimin e energjisë, me fasha orare. Po ashtu Rama ka nënvizuar se ky plan do të zbatohet veç në raste emergjence, kur nuk arrihet të sigurohet e gjithë sasia e energjisë që vendi ka nevojë.