Covid-19, Gjykata e Tiranës pezullon punën

Dhoma Civile e Gjykatës së Tiranës pezullon punën për tre ditët në vijim për shkak të situatës me koronavirusin në vendin tonë. Edhe Gjykata e Apelit në Vlorë ka pezulluar punën për periudhën 4 nëntor-20 nëntor për shkak të situatës me Covid-19. Po ashtu mësohet se do të merren masa më të ashpra për parandalimin e sëmundjes vdekjeprurëse. Në vendimin e sotëm, thuhet se janë pezulluar gjykimet në Dhomën Civile të Gjykatës së Tiranës, për datat 5, 6, 9 nëntor, me përjashtim të çështjeve me karakter urgjent. Sipas njoftimit ky vendim vjen pas rritjes së madhe të numrit të infektimeve me koronavirus gjatë ditëve të fundit, duke arritur në shifra rekord.