Covid-19 godet ekonominë, 80 biznese në Vlorë u mbyllen gjatë periudhës mars-prill
Vlora është ndër qytetet më të goditura për shkak të pandemisë, ndaj kryetari i Dhomës së Tregtisë kërkon një strategji konkrete për të rimëkëmbur ekonominë.
”Ajo që ne duam të theksojmë, duam një ndërhyrje emergjente nga ana e shtetit për t’i ndihmuar sa më shumë këto biznese sepse në qoftë se ne flasim sot për 80 biznese, muajin tjetër do jenë rreth 180 të tilla.”
Një izolim i dytë sipas tij do të sillte një gjendje edhe më të rëndë.
”Flitet që do ketë një valë të dytë që do jetë vërtet katastrofike për biznesin e vogël por edhe për biznesin e vogël. Shpresojmë për jo. Nëse vërtet do ndodhi, duhet të merren masat paraprakisht sepse do ketë falimentime shumë të mëdha nga biznesi i vogël.”
Në periudhën mars-prill në Vlorë janë mbyllur 80 biznese nga 52 që ishte një vit më parë. Tashmë familjet i kanë kthyer sytë në muajt e mbetur të verës, për të siguruar të paktën mbijetesën.
