Covid-19 i pamëshirshëm, 3 milionë viktima në mbarë botën

Covid-19 vijon të marrë jetë, edhe pse virusi që në 2019 që qarkullon. 3 milionë persona kanë humbur jetën nga pandemia e Covid-19 në mbarë botën. Këto janë të dhënat më të fundit nga ”Reuters”, që raporton mes të tjerash se rritja e numrit të infektimeve është duke sfiduar programin e vaksinimit që shihet si rrugëdalja e vetme ndaj kësaj krize.

Numri i vdekjeve për shkaqe të lidhura me Covid-19 është duke u rritur edhe njëherë sidomos në Brazil dhe Indi. Autoritetet shëndetësore fajësojnë për këtë gjë variantet e reja të koronavirusit që u pikasën për herë të parë në Mbretërinë e Bashkuar dhe Afrikën e Jugut dhe lodhjen e publikut nga masat shtrënguese dhe izolimi.

Sipas të dhënave të Reuters, u desh më shumë se një vit që bilanci i viktimave nga koronavirusi të arrinte në 2 milionë, ndërsa 1 milionë vdekjet e tjerë u shtuan në vetëm 3 muaj. Në analizë, thuhet edhe se Brazili ka vdekshmërinë më të lartë në ditët e fundit, ku një në 4 vdekje që raportohet ndodh në shtetin amerikano-jugor.