Covid-19 në shkollën ”Emin Duraku”, 8 të prekur dhe 29 arsimtarë karantinohen

Covid-19 vijon që të jetë aktiv në vendin tonë dhe rastet në shkolla fatkeqësisht nuk kanë munguar. Në shkollën ”Emin Duraku” në Tiranë, janë infektuar me koronavirus 8 pjesëtarë të stafit. Me Covid-19 kanë rezultuar 5 mësuese dhe 3 punonjëse të tjera. Para dy javësh është zbuluar rasti i parë dhe kanë vijuar testimet më pas. Me 5 tetor kanë rezultuar fillimisht pozitiv sanitarja dhe mësuesja e anglishtes, më pas kanë pasur shenja edhe mësues të tjerë. Deri tani janë karantinuar 29 mësues dhe u është marrë tamponi. Mësohet se ata janë zëvendësuar me 29 mësues të tjerë dhe mësimi vijon normalisht.