Covid-19, të rinjtë po infektohen nëpër festa

Neglizhenca nga të rinjtë dhe jo vetëm, po rrit ndjeshëm numrin e të infektuarëve dhe rrjedhimisht të humbjeve të jetëve.

Në Tiranë ka mbi 2000 persona të infektuar me Covid-19 dhe epidemiologët që bëjnë tamponin thonë më shumë infektohen të rinjtë nëpër festa ditëlindjesh apo dhe ceremonitë mortore tani kryhen me pjesëmarrje të madhe njerëzish, pa lënë pas supermarketet dhe ambjentet e punës. Në kryeqytet virusi është përhapur kudo por ka disa zona qe njihen si vatra të nxehta.

Masat nëpër subjekte në numër të lartë punonjësish respektohen vetëm kur u shkojnë kontrolle. Gjen tek tuk individe te përgjegjshëm që përdorin maskën por shumica neglizhon të mbrohet ndërkohë që riskon të tjerët.