Covid i vë kyçin kopshtit në Skrapar, infektohen mësues dhe punonjës të administratës

Mbyllet kopshti Nr.1 në Skrapar, pasi dy edukatore rezultuan të infektuara me Covid-19, ndërsa i gjithë stafi është futur në karantinë. Gjithashtu të infektuar janë edhe 3 mësues, por edhe punonjës në prefekturën e Beratit, sigurimet shoqërore dhe drejtorinë e Transportit.

Të infektuar:

-1 mësuese në shkollën 9-vjeçare “Mehmet Ali Vrioni”.

-1 mësuese në shkollën e muzikës “Ajet Xhindole”.

-1 mësues në shkollën 9-vjeçare të fshatit Drenovicë.

-1 specialist në Prefekturën e Beratit.

-1 punonjëse në Drejtorinë e Sigurimeve Shoqërore.

-1 specialist në Drejtorinë e Transportit Rrugor.

Ministria e Shëndetësisënjoftoi se në 24 orët e fundit në Shqipëri nga 2256 testime janë regjistruar 782 raste të reja, ndërsa 13 pacientë kanë humbur jetën në 4 spitalet covid në Tiranë.

/Abcnews.al