Dalin pamjet e grabitjes së bankës/ Ja si i mban autori paratë e armën, por harron çadrën

Kjo që shihni më poshtë është pamja më e qartë që është publikuar deri tani e autorit që grabiti agjencinë e një banke të nivelit të dytë, e cila ndodhet brenda ambienteve të Hipotekës së Tiranës.

“Panorama” ka siguruar ekskluzivisht videon ku duket autori ende i paidentifikuar, i cili largohet përmes një rrugice në zonën ku ndodhi ngjarja. Në njërën dorë ai mban qesen me para të grabitur dhe në tjetrën, të cilën duket që e mban në xhep, ka armën me të cilën ka kërcënuar punonjësit e bankës. Ai largohet me vrap, teksa shihet që ka kapele dhe kapuç në kokë. Gjatë largimit është shkëmbyer edhe me një zonjë, e cila nuk ka kuptuar asgjë.

Policia ka ngritur pika të shumta kontrolli në të gjithë kryeqytetin për të identifikuar dhe kapur autorin.