Damian Gjiknuri inspekton investimin e ri në stacionin e pompimit në Cërrik

Sekretari i Përgjithshëm i PS-së, Damian Gjiknuri, i shoqëruar dhe nga Kryetari i Bashkisë së Cërrikut, Andis Salla inspektoi punimet që po kryhen në stacionin e pompimit, falë mbështetjes së qeverisë gjermane përmes “GIZ Albania”.

Ky investim tepër i rëndësishëm përfshin vendosjen e pompave të reja, që do të sjellin rritjen e efiçencës së energjisë elektrike duke reduktuar konsumin, furnizim me ujë 24 orë në ditë për fshatrat Shalës dhe Xibrakë, rikonstruksionin e plotë të godinës dhe përmirësimin e kushteve të punës.

“Më vjen mirë që Bashkia Cërrik përsëri është ‘avangard’ në mënyrën sesi bashkëpunon me donatorët e huaj. Ky është një shembull konkret sepse ul konsumin e energjisë. Nga ana tjetër pak më parë isha dhe në Belsh dhe ata kishin aplikuar dhe një skemë të paneleve fotovoltaikë me sistemin e ujësjellësit. Mendoj se ky është një model që ne duhet ta ‘adaptojmë’ edhe në Cërrik. Mund të gjejmë dhe hapësira që janë toka publike, që i ka bashkia, që mund ta shfrytëzojmë dhe për panele që të ulim dhe aty konsumin e energjisë. Në fund të fundit nuk rëndon as qytetarët dhe ujësjellësi bëhet më fitimprurës, të paktën menaxhon më mirë kostot e tij. Je model i mirë, je inovativ. Tashmë je i njohur në të gjithë Shqipërinë me iniciativat e tua. Ne kërkojmë që të vazhdosh edhe në të ardhmen në këtë mënyrë”.