Darzezë/Nxënës dhe mësues bojkotojnë mësimin

Edhe mëngjesin e kësaj të enjte, nxënës dhe mësues në fshatin Darzezë të Fierit kanë bojkotuar mësimin. Shkak sipas prindërve janë kushtet jo të mira të transportit publik. Sipas tyre autobusi që është vënë në dispozicion nuk ka ngrohje dhe do të vazhdojnë të bojkotojnë mësimin deri në plotësimin e kushteve. Në shkollën e Darzezës janë rreth 100 nxënës të arsimit 9-vjeçar. Shkolla u mbyll në datën 2 dhjetor 2019, ndërsa në 10 dhjetor bashkia Fier miratoj prishjen e saj dhe zhvendosjen e fëmijëve në shkollën e Topojës.