Datëlindja e Skënderbeut/ Yuri Kim: Luftëtari më i madh shqiptar, një frymëzim për të gjithë ne
Sot është datëlindja e Heroit tonë Kombëtar, Gjergj Kastriot Skënderbeut, i cili lindi në vitin 1405 dhe ndërroi jetë më 17 janar të 1468. Ambasadorja amerikane në Tiranë, Yuri Kim ka publikuar në Instagram statujën e tij në Michigan, teksa i uron ditëlindjen luftëtarit më të madh të Shqipërisë. Ambasadorja shkruan se ai është i nderuar në të gjithë botën, duke përfshirë edhe në SHBA.
Postimi i plotë
Pavarësisht nëse e njihni si Gjergj Kastrioti apo Skenderbeg, ai e shpalli veten Dominus Albaniae (“Zoti i Shqipërisë”) dhe mbrojti popullin e tij me të gjitha forcat kundër një perandorie pushtuese.
Ai lindi këtë ditë, 6 maj, në 1405. Ai është i nderuar në të gjithë botën, duke përfshirë edhe në SHBA, ku qëndron kjo statujë e tij në Michigan.
Besoj se guximi dhe këmbëngulja legjendare e Skënderbeut mbetet e gjallë në zemrat e shqiptarëve të sotëm.
Gëzuar ditëlindjen luftëtarit më të madh të Shqipërisë, një frymëzim për të gjithë ne.
View this post on Instagram
