Datëlindje në rrugë, surpriza e kolegëve për major Bledar Bimaj (VIDEO)

Po jetojnë në kohën e pandemisë së Covid-19 dhe jeta ka ndaluar. Të gjithë njerëzit bëjnë lëvizje të kufizuara dhe në rrugë janë vetëm ushtarakët dhe policët. Major Bledar Bimaj është në krye të punës dhe këtë vit i qëlloi që datëlindjen ta kalojë në rrugë dhe sigurisht që torta edhe pse në këto kushte ”lufte”, nuk kishte sesi të mungonte. Ministrja e Mbrojtjes, Olta Xhaçka përmes një postimi në facebook, ku edhe ka postuar videon e suprizës që kolegët menduan për 38 vjeçarin, i jep edhe këtë urim. ”Po jetojmë ditë të vështira por pikërisht në ditë të tilla vlerësohet edhe më shumë sakrifica, kontributi dhe solidariteti njerëzor. Djemtë e Policisë Ushtarake, të cilët bashkë me 5 mijë efektivë të Forcës së Armatosur prej 3 javësh janë në terren, kanë suprizuar kolegun e tyre major Bledar Bimaj në 38-vjetorin e lindjes. Çaste të tilla janë burim force e energjie për t’ia dalë mbanë të gjithë bashkë. Gëzuar ditëlindjen major! Faleminderit për shërbimin çdo efektivi të FA”.