Debat në mbledhjen e Këshillit Kombëtar të PD, Murrizi: Me kë të fitojmë, me trajnerin Berisha që e kemi me karton të kuq?!
”Ky është shtatori i fundit që na gjen në opozitë”. Kështu e nisi fjalën e tij në mbledhjen e Këshillit Demokrat Sali Berisha, duke shprehur optimizimin e tij për fitore të opozitës në zgjedhjet e 2025-ës. Në fakt këto fjali janë thënë në çdo fushatë zgjedhore, por ka fituar Rama.
Në mbledhje pati edhe debate, ku Mylslym Murrizi tha se Berisha vendosi emrat për drejtues politikë në 12 qarqet e vendit për zgjedhet në 2025, por që sipas tij, Flamur Noka i ka fryrë në vesh. Nënteksti ishte se nuk janë vendosur ata që duhen.
Debatet
Myslym Murrizi: Do mërziteni nga ajo që do të them, por nuk e kam problem. Është gabim që i keni nxjerr mediat jashtë. Berisha tha “sulm”, por ne e kemi trajnerin me të kuqe. Me çfarë ta bëjmë sulmin me mbrojtës? Kush ka për të gjuajtur nga ju? Berisha i ka bërë listat e drejtuesve politikë, por ke qenë ti Flamur që i ke fryrë në vesh.
E kemi parë në media me kohë listën e drejtuesve të qarqeve. Agron Gjekmarkaj ka thënë do hidhem nga ballkoni po erdhi Berisha. Si mund të motivohen demokratët? Ne e nisëm foltoren që të ketë vlerë vota. Por Bardhi dhe Gjekmarkaj nuk u zgjodhën me votë. Erdhën si të bashkuar në diversitet e na u bënë diversantë. Të vijnë e të votohen. Pse nuk e ke çuar emrin e Berishes si anëtar i grupit parlamentar (Murrizi pyet Bardhin).
I përgjigjet Bardhi dhe sqaron se emri i Berishës është dërguar që në maj në Parlament për tu bashkuar me grupin e PD.
Myslym Murriz: Pse drejtuesit politik mos të votohen? Duhet të jemi të ndershëm me anëtarësinë. Nëse Berisha do të jetë i arrestuar harrojeni se do ngjisim tek qytetarët. Gjysma e këtyre që do marrin mandatet do të të përjashtojne ty prapë! (I drejtohet Flamur Nokës) Si hyjmë në qeveri teknike? Keni bërë pazar me Ramën, na e sqaroni? PD duhet të hapet , kemi vuajtur sepse s’kemi folur, duhet të flasin të gjithë.
Edi Paloka: Qëllimi ynë është të mundësojmë qeveri teknike. Askush nuk ua ka hequr të drejtën e fjalës.
Flamur Noka: PD ka si bazë debatin e brendshëm dhe debati është i shëndetshëm dhe i domosdoshëm. Ne jemi në demokraci por jo në kaos. Cdo demokrat kudo që të jetë ka te drejtë të flasë dhe ne do ta degjojmë. Postimet në rrjetet sociale kundër figurave të PD-së janë propagandë. Drejtuesit politik janë tagër i Kryetarit të PD-së. Mund ti fryj unë ose dhe ti Myslym por nuk ndikohet Sali Berisha. Ne jemi duke hyrë në një betejë.
A kemi difekte dhe të meta? Po kemi se jemi njerëzor. Kemi 3 vjet në luftë të brendshme por sot jemi të gjithë bashkë. Ne jemi në demokraci, por jo në anarshi që do të thotë respekt per statutin, kushtetutën tonë dhe institucionet e Partisë.
Jemi duke hyrë në një betejë pa kthim dhe pa ndalim.Ndaj të stopojmë cdo sulm ndaj njeri- tjetrit. Agron Gjekmarkaj si nënkryetar i PD-së artikulon në çdo institucion ndërkombëtar kërkesën per lirimin e liderit tonë. Vetëm të bashkuar ecim drejt fitores.
Pas mbledhjes Myslim Murrizi tha për mediat:” Unë do garoj në primare, kam ambicie për të qenë kandidat, deputetët i zgjedhin qytetarët.
Ka deputetë që shohin filxhan, unë do doja të zbatohej statuti dhe t’i nënshtrohen votës të gjithë që duan të bëjnë karrierë brenda partisë. Aty mund të vijnë dhe anëtarë kryesie pa votë, nuk e gëzojnë respektin, timin jo por edhe të shumë të tjerëve”, u shpreh ai.
